dói-che a terra
mas nom che doem
as feridas
das mulheres
quando as penetrar
a expanssom das sementes do heteropatriarcado
esta fumigaçom
com sulfato
rosa
e amor romântico
mil cincocentos anos
a dizer
que eram boas
para as plantas
a reproduçom monógama
a perpetuaçom da espécie
a supervivência do mais forte dói-che a terra
mas nunca escuitaste
a sua voz
falaste tu por ela
pugeste no seu corpo
os teus privilégios
porque era difícil
renunciar ao poder
entender o sangue
das flores
que arrincamos
para adornar jarrons
para o nosso deleite
de insatisfaçom materialista era preferível
pôr-lhe um nome
à flor
antes que entender o seu processo
de pigmentaçom era mais suportável e menos profundo para vós
