Sábados e Domigos som os dias da magnificaçom desportiva masculina. A maioria dos homens preparam-se para desfrutar do seu desporto preferido, já seja participando de jeito activo em algumpartido, vendo-o pola tevê ou ouvindo-o pola frequência de algumha rádio.

Sábados e Domingos, a maioria dos homens alistam seus corpos de actores e espectadores para cenificar as suas próprias proezas desportivas, as quais preparam ao longo da semana efectuando treinamentos físicos e intelectuais; actualizando os seus conhecimentos e informaçom desportivos; mediante a consulta quotidiana do acontecido no mundo do desporto; negociando e ajustando os tempos, ritmos e movimentos do ámbito laboral que lhes permita estarpresentes just time no campus de jogo; incluindo e fazendo partícipes, de maneira consensuada e imposta às mulheres e à familia em geral em estas actividades; destinando um monto salarial para gastos de operaçom de convivência (antes, durante e após os partidos), que polo regular remata sendo rebasado, comprometendo e sacrificando o presuposto de subsistência familiar.

O desporto é umha das instituiçons sociais e prácticas culturais que modelárom, marcárom e significárom o corpo humano, a través dumha série de rituais nos que os homens e mulheres de distintas idades e pertencentes a diferentes grupos socioculturais interactuam, socializam e simbolizam genéricamente umha série de actos, linguagens, imagens, vestimentas, em tempos e espaços asignados ex profeso para o processo de desportivizaçom dos corpos…

A desportivizaçom da sociedade

Norbert Elias e Eric Dunning mencionam que a desportivizaçom da sociedade forma parte do processo complexo e contraditório da consolidaçom do capitalismo, em tanto organizaçom hegemónica produtiva do mundo e em tanto organizaçom social, que junto com o processo de industrializaçom criárom diferentes jeitos e condiçons de vida nas que as pessoas e os grupos sociais estabelecerom e estabelecem diferentes tipos de relaçons e desempenham distintos tipos de trabalho. Estes autores plantejam umha relaçom dialéctica entre os termos de desporto e indústria, assinalando queo primeiro se usa com muita soltura para designar umha variedade de eventos, em tanto que o segundo é empregado em sentido lato e estrito, para identificar e significar o processo de industrializaçom dos séculos XIX e XX, as distintas formas de produçom e trabalho desenvolvidas e expandidas a nível local, nacional e mundial, assim como os seus efeitos e conseqüências no processo civilizatório.

Chama a atençom no sentido em que, do mesmo jeito que o capitalismo e a industrializaçom gerarom formas específicasde produçom e trabalho, sustentadas na competência do mercado e a expansom deste, a hierarquizaçom e exploraçom de calidade do trabalho humano, da produçom, a optimizaçom dos recursos materiais e naturais, o controlo e a regulaçom do tempo e o espaço social, o qual foi organizando a maioria das actividades sociais, entre as que se encontram as recreativas, às que atribuirom e fôrom adquirindo características desportivas, regidas polas regras económicas de produçom e competência; o desporto, como instituiçom social, e baseado na hierarquizaçom, exploraçom e optimizaçom que as capacidades, habilidades e destreças humanas, foi desenvolvendo umha organizaçom complexa, cujas características distintivas o convertérom em um dos ordenadores sociais e de género primordiais de todas as culturas do mundo.

Em Inglaterra, alguns dos jogos, debido ao seu carácter competitivo e à sua práctica por um número cada vez mais amplo de pessoas, fôrom configurando-se como desportos massivos que começarom a superar or marcos locais e nacionais, para adquirirem dimensons mundiais e de exportaçom, o qual levou à criaçom de instituiçons supralocais desportivas com complexas estruturas organizativas, encarregadas de estabelecer relaçons diplomáticas com diferentes países, assim como a elaboraçom das políticas desportivas, os regulamentos e tipos de competência a seguir, a uniformidade dos desportos, a capacitaçom e preparaçom das e dos desportistas e treinadores, assim como a sua especializaçom, a construçom de instalaçons adecuadas para as competências, a movilidade permanente e ágil tanto das e os desportistas, como dos directivos. Estes últimos, com o desenvolvimento e consolidaçom do desporto como instituiçom social, práctica cultural e ordenador genérico do processo civilizatório, conformárom umha casta poderosa com grande presência e influência económica, política e social a nível mundial. Elias e Dunning sinalam que o processo de industrializaçom e desportivizaçom da sociedade tenhem um paralelismo surpreendente: o da difusom desde Inglaterra de modelos industriais de produçom, organizaçom e trabalho, e o da difusom de actividades de tempo livre do tipo conhecido como `desporto ́ e das formas de organizaçom relacionadas com ele. Como hipótese inicial, parece razoável suponher que a transformaçom da maneira em que as pessoas empregavam o seu tempo livre fosse da mao com a transformaçom da forma em que essas pessoas trabalham… Falar de processos de `desportivizaçom ́ pode chocar aos nossos ouvidos. O concepto parece-nos estranho. E porém, ajusta-se bem aos factos que se podem observar… O código de normas, incluidas as que procuravam a limpeza do jogo, a igualdade de oportunidades de ganhar para todos os contendentes, fixo-se mais rígido; as regras mais precisas, mais explícitas e diferenciadas; a supervisom do cumprimento das regras, mais eficiênte; assim, fixo-se mais dificil escapar do castigo por quebrá-las. Dito doutro jeito, baixo a forma de `desportos ́, os jogos de competiçom com ejercicio físico chegárom a um nível de ordenamento e de auto-disciplina por parte dos jogadores nunca antes acadados. Aliás, esses mesmos jogos concebidos como desportos chegárom a assimilar um código de regras que garantia o equilíbrio entre o logro possível dumha alta tensom na luita e umha protecçom razoável contra os danos físicos.

O processo de desportivizaçom da sociedade, vencelhado ao de industrializaçom, forma parte do que Jean-Marie Brohm denomina o processo de produçom desportiva, com o que significa que o sistema desportivo é parte do próprio desenvolvimento da organizaçom capitalista de produçom, a qual produze mercadorias mui particulares: campeons, espectáculos, marcas e competências. Este processo enmarca-se na análise do desporto como instituiçom social original da vida moderna no que se pom a atençom na análise das capas, estratos, níveis e instáncias que o determinam, assim como a todas as realidades políticas, económicas, culturais, ideológicas, pedagógicas, simbólicas e mitológicas do desporto. Entende a este como umha instituiçom de competiçom fisica regulamentada.

Desde esta análise do desporto e a sociedade, há que ubicar o concepto de desportivizaçom, que desde a antropologia de género feminista, permite comprender e conhecer o porquê o século XX se converteu no século da desportivizaçom da sociedade; no processo ordenador dos corpos maculinos e femininos, no mecanismo controlador das suas emocions, sentimentos, desejos, fantasias, imaginários, manifestaçons e simbolizaçons das subjectividades genéricas, na cultura da disciplina e supervisom da saúde corporal, na práctica por excelência e posta em cena dos atributos da masculinidade hegémonica.

A desportivizaçom da sociedade expressa o grau de desenvolvimento e nível competitivo dumha sociedade; a capacidade económica, política e social do estado e as suas instituiçons para organizar e participar em eventos desportivos, tanto a nível local, nacional como global; o interesse dos governos estatais e municipais na promoçom e difusom desportiva. Este processo permite conhecer a forma como a sociedade política e civil estam contidas, se incorporam e participam nos projectos, os eventos e as actividades desta práctica sociocultural.

Isto, à sua vez, mostra a organizaçom desportiva dumha naçom, a relaçom e participaçom de funcionários e desportistas, os nexos de interesses económicos e políticos das instituiçons de cada país, tecidos por amplas e complicadas redes sociais que, na maioria dos casos presentam prácticas de corrupçom. Isto influe no nível competitivo desportivo dumha naçom, o qual pode ser alto, mediano ou modesto; na qualidade da preparaçom, capacitaçom e instruçom das e dos desportistas e das e dos instrutores; na preparaçom fisica e representaçom simbólica dos seus corpos; no tipo de competiçons nas que se participa, na sua qualidade, na periodicidade de cada umha delas; no tipo de instalaçons desportivas dos que se dispom; nas campanhas, programas, promoçons e difusons que emprendem para incorporar a maioria das pessoas que practicam algum desporto ou realizam ejercícios, em diferentes eventos e espaços públicos. Este processo levou a que umha parte da sociedade seja concebida e construida desde umha estrutura, organizaçom, funcionalidade e valores de club desportivo.

A desportivizaçom da sociedade abrange a todas as sociedades e as culturas nas suas dimensons políticas… Converteu- se no bálsamo político e social construido ad hoc para aliviar os conflitos mundiais: após os actos de guerra do 11 de Setembro do 2001, na cidade de Nova Iorque, a série mundial de béisbol das grandes ligas aliviou a dor da morte de miles de pessoas e congregou à sociedade estadounidense em um estádio para clamar justícia eterna a ofensa do honor da sua identidade nacional, cometida polos outrora sócios comerciais em rivalidade: os talibans. A partires desse momento, a fúria e poderio gringos arrasárom e aniquilárom a sociedade afgá, em cujos campos de batalhas bélicas, se dou o tempo para usá-los como campos de futebol de distensom da guerra. Em Colómbia, as forças revolucionárias pronunciárom-se por um alto ao lume contra o governo para a realizaçom da Copa de América, o qual, porém, nom se levou a cabo polo sequestro dum dos dirigentes; em Europa, a recesom económica mundial viu-se amortiguada pola clasificaçom ao mundial de futebol das equipas pertencentes ao Grupo dos Sete; na Argentina, a Copa Libertadores, ainda que posposta, representa umha pequena cura aos estragos sociais ocasionados polas depredadoras políticas económicas do FMI. Em México, as políticas económica, educativa e social propostas polo governo da monarquia foxista de Julho, virom-se aligeiradas por um instante com a negociada, questionada e mui raspada clasificaçom da selecçom mexicana ao mundial de futebol. Neste marco, o desporto contribuiu à actualizaçom das mentalidades guerreiras masculinas, cuja combinaçom da preparaçom e capacitaçom física e intelectual desportivas, exaltam os valores nacionais patriarcais daqueles homens dispostos a defender o seu direito, a sua pátria e a sua honra nos campos de batalha.

* Traduzido polo galizalivre.org

La deportivizacion del cuerpo masculino. El Cotidiano, 113, México, pp. 47-50