Assi recolhia o diário nacionalista um ato que desbordou todas as previsons, e no que a vila de Palas ficou pequena para acolher arredor de 20000 pessoas, deslocadas de todo o país.
Dando prova da magnitude da mobilizaçom, a imprensa dava conta do colapso de várias estradas que davam acesso à Ulhoa, dado o volume de pessoas assistentes.
A Plataforma convocante resumia numha linha o desafio popular que a Galiza mobilizada colocava ao governo da Xunta na manhá de onte.
O alcanço da mobilizaçom é ainda maior se se leva em conta que se convoca com o bloqueio dos meios do poder, nomeadamente da CRTVG, à que se alude neste chio.
As trabalhadoras e trabalhadores críticos da companhia aludiam à vergonhenta cobertura da mobilizaçom no meio dependente do PP.
Umha das chaves do sucesso mobilizador foi o feito de sentir-se como um assunto de todo o povo galego, com um apoio decisivo dos movimentos populares das Rias Baixas.
A mobilizaçom passava por diante da praça do concelho quando as multidons ainda se iam somando ao acto desde as redondezas da vila, com caravanas de carros tentando aceder ao núcleo urbano para aderir ao ato.
A crónica do Salto salientava a ampla aliança popular que protagonizava a mobilizaçom, e chamava a atençom sobre a ausência do outro grande partido do bipartidismo espanhol.
Também esta conta apontava o retrocesso ao que se condena o PSOE com a sua ignoráncia do clamor popular.
Em dias prévios, este meio independente difundia um valioso documentário sobre o plano expoliador que se projeta para a Ulhoa.
Muitos perfis ofereciam galerias de fotos da jornada, numha mobilizaçom onde confluiram pessoas de muitas comarcas, variadas famílias políticas, e distintas geraçons.
A dimensom do ato foi tal que tivo eco em contas da esquerda espanhola, que chamava a atençom sobre a minusvalorizaçom da mobilizaçom nos grandes meios do regime.
Também jornalistas galegos sulinhavam como os meios do regime ponhiam o foco nos atos da direita celebrados em Espanha, enquanto minimizavam o alcanço do acontecido em Palas.
Outras contas punham em destaque, de maneira mui sintética e com humor, o duro golpe que supom a mobilizaçom para os interesses da empresa.
O vozeiro de ADEGA expunha desde a própria mobilizaçom os principais argumentos contra a mega-celulose.
Entre outros movimentos populares, os centros sociais participavam ativamente na jornada, como vemos na conta do lucense Mádia leva.
Umha das motivaçons do protesto foi a defesa da vida das futuras geraçons, e nesta linha, também a comunidade educativa aderiu a ele em boa parte: este era o chamado das Escolas Semente.
Também o independentismo juvenil estivo presente no protesto, como vemos na conta de MPI.