Por Paul Yesse (traduçom do galizalivre) /
Apontamentos sobre o colapso social : os USA nom som quem de proteger a sua cidadania frente ataques de violentos assaltantes armados, nomeadamente desde que os políticos som comprados por fabricantes de armas e os interesses da Associaçom Nacional do Rifle.
Os USA nom som quem de oferecer trabalhos ou um salário digno a umha porçom significante da sua populaçom, nomeadamente a mocidade e as minorias raciais.
A rejeiçom do Congresso à aprovaçom dum seguro médico nacional tem efeitos genocidas para os pobres, as moças, os idosos e os nom privilegiados.
A indústria dos USA está a envelenar a natureza : a populaçom de abelhas mingua por efeito do glifosato e fungicidas, e a alimentaçom humana degrada-se através dos transgénicos e da engenharia genética.
A doença crónica dispara-se devido à pressom económica, a um sistema de saúde caríssimo, e à degraçom dos alimentos.
A indústria farmacêutica incrementa os seus lucros, ao tempo que mata milhares de pessoas cada ano a facilitar o abuso e a má utilizaçom das medicinas prescritas.
A economia deveu agressiva para as pessoas idosas, eliminando as pensons para as maiorias, e erodindo o valor da segurança social e outras formas de ingressos fixos.
A adiçom às drogas e ao álcol, associadas com o incremento das taxas de delinquência, constitui mais um efeito do colapso do mercado de trabalho e da segurança dos ingressos.
A esperança de vida é menor que a de muitos outros países desenvolvidos, e ainda está a cair.
Militarismo e política exterior.
O complexo industrial-militar quer sempre mais e mais dinheiro para ampliar os seus objectivos de domínio global, enquanto a sociedade interna se esfarela.
As armas de destruçom massiva tenhem o potencial de destruir toda a vida na terra varias vezes, e aida assim o complexo industrial-militar deseja armas mais grandes e mais eficazes.
É este mesmo complexo o que pula pola guerra, sem interesse nenhum em promover a paz entre as naçons.
Eis a razom de se inventarem decote novos e mais apavorantes inimigos, justificando-se entom orçamentos militares finchados.
A « Guerra contra o Terror » foi umha excusa para o exército de USA se envolver em múltiplas guerras de conquista.
Hoje, o complexo industrial-militar desenvolve novas armas segredas para a guerra no espaço.
A elevada posiçom de tal complexo, a sua imunidade face o controlo político, propaga a falsidade de a força e a violência serem as vias legítimas para os problemas serem resolvidos.
A influência do complexo industrial-militar em Hollywood explora e glorifica a violência, o cinema constitui a sua maior ferramenta de propaganda.
O mesmo fam os video-jogos, que apoiados por interesses de corporaçons e exército, ensinam à mocidade que matar é umha cousa de se divertir.
O complexo industrial-militar nom se preocupa nem um chisco polos recursos nacionais excessivos que ele consome, mesmo em detrimento dos possíveis usos sociais.
O complexo industrial-militar é um dos agentes poluintes mais grandes do mundo.
Um dos seus maiores propósitos é conseguir a força que possibilita o roubo de outros recursos nacionais.
O roubo de recursos começou em datas recuadas, quando os americanos brancos assaltárom os americanos nativos e roubárom as suas terras ; hoje o saqueio continua na América Latina, África, Oriente Meio e arredor do mundo.
O exército e a polícia dos USA estám condicionados, ao considerarem reformadores e activistas como inimigos do Estado, no canto de pessoas a exercerem os seus direitos.
Está-se a promocionar a guerra contra a Rússia e outros países através de sançons económicas e ameaças militares, sem nenhuma declaraçom constitucional polo Congresso.
A política exterior e militar dos USA está baseada na mentira gigante do 11-S.
Economia.
Os USA som umha oligarquia na qual economia, política e meios de comunicaçom estám controlados polos ricos.
As políticas impositivas favorecem os ricos sobre a classe obreira.
À classe obreira, de facto, nom se lhe permite organizar-se através de sindicatos a prol de salários justos e melhores condiçons de trabalho.
O salário mínimo é baixo de mais para a gente poder viver com dignidade.
Wall Street cria e destrói negócios em benefício dos financeiros, sem consideraçom polo impacto nos indivíduos, famílias e sociedade.
A economia dos USA nom é conduzida por empresas honestas, tais como as manufactureiras, senom que mantém as suas constantes artificiosamente graças à banca e o governo, decididos a criarem borbulhas -a começar pola borbulha do gasto militar.
A eliminaçom do patrom ouro em favor da moeda controlada polos bancos devaluou a moeda nacional e levou a médio século de inflaçom.
O pánico, instalado em outras naçons, tem-nas levado a se absterem dos inflacionados dólares no mercado do petróleo, reduzindo a sua utilizaçom como moeda de reserva.
A dívida contraída para estudar, mercar casa e consumir está a criar umha sociedade de escravos da dívida.
A malta mesmo está a ser enviada à cadeia polo nom pagamento da dívida ; nos casos mais extremos de adividamento descontrolado, produzem-se suicídios.
A dívida crescente do governo federal é tal cárrega para a sociedade que endejamais vai ser compensada. As guerras de George W. Bush duplicárom-na em oito anos ; e ainda se duplicou mais umha vez durante os oito anos de governo Obama.
A falta de trabalhos decentes conduz número ingente de pessoas ao cíber-delito, o narcotráfico, a prostituiçom, e outros passa-tempos criminosos, apenas como modo de sobrevivência.
O sistema judicial aponta injustamente sempre contra os pobres.
Os «esgotos do Estado » (Deep State) e o Governo.
Agências dos esgotos do Estado, a começar pola CIA, som ferramentas utilizadas pola oligarquia para controlar o governo e a sociedade, visando também o controlo do resto do mundo.
A mentira e a oculaçom som umha forma de vida para todos os níveis do governo, nomeadamente os seus esgotos.
O governo nunca esclareceu crimes do passado cometidos polos esgotos do Estado, incluindo o 11S, ou os assassinatos de JFK, RFK e MLK.
Os esgotos do Estado continuam envolvidos em assassinatos selectivos contra cidadaos estadounidenses e pessoas de outras naçons.
A CIA e outras agências dos esgotos do Estado trabalham secretamente para minarem outras naçons do mundo, e para banirem a dissidência honesta no país.
Os esgotos do Estado procuram manter umha vigiláncia electrónica total de todas as pessoas.
Os esgotos do Estado procuram derrubar qualquer governo alheio decidido a acometer reformas na direcçom dumha maior justiça social.
O governo em segredo incrementou os seus poderes desde que o Departamento de Segurança Patriótica foi instituído, e também a partir da Lei Patriótica depois do ataque com falsa bandeira do 11S.
Um dos piores abusos da CIA é o seu auto-reconhecido papel no narcotráfico internacional.
Os esgotos do Estado, a mídia e o poder militar fomentam o ódio contra países contra a Rússia e China, com o alvo de ocultarem os seus próprios abusos e de consolidarem o seu poder.
Os esgotos do Estado controlam o governo em todos os seus níveis -federal, estatal e local.
O governo procura promover práticas nazistas como a adoraçom da bandeira, o fomento de guerras além das fronteiras, e de práticas policiais agressivas no interior.
O governo tem militarizado as forças policiais locais, oprimindo os pobres e as minorias raciais.
Todos os níveis do governo, incluindo a polícia, som corrompidos por fundos políticos, subornos, dívidas e privilégios especiais.
Os meios.
Os meios destruem a liberdade de pensamento ao utilizarem os seus poderes, incluída a propaganda, para regular, controlar e censurar a opiniom pública.
O governo utiliza os meios para emitir as suas mensagens de propaganda constantes.
Os meios vomitam ódio e mentira através de pontas de lança como Fox News.
Os meios estám controlados por um fato de interesses oligárquicos que suprimem as novas honestas, enquanto atacam o jornalismo independente cada vez que tenhem ocasiom.
Os ataques contra a rede, orquestrados por multinacionais, almejam a eliminaçom da opiniom independente, da mesma maneira que se fijo no passado com a televisom por cabo.
As maiores empresas mediáticas, como New York Times, Washington Post, CNN ; e as redes de programaçom nacional som controladas pola oligarquia e os esgotos do Estado, que as utilizam como órgaos de propaganda para as suas agendas belicistas.
A mentira mediática dos USA como « naçom excepcional » é particularmente perniciosa, umha peça de propaganda à que se recorreu para impingir danos em outros países.
Partidos políticos.
O Partido Republicano, que controla arestora o governo federal com umha maioria de governos estatais e locais, virou numha secta racista e genocida financiada por oligarcas.
O Partido Republicano e as suas bases culpam as vítimas do colapso económico pola sua incapacidade de toparem trabalho e ganhar salários decentes.
O Partido Republicano nom poderia existir como o fai no presente sem o apoio de igrejas fundamentalistas cristás que apoiam guerra e racismo.
O Partido Democrata tem perdido o contacto com a sua missom popular histórica, e foi tomado polos interesses empresariais pro-Clinton na década de 90.
O Partido Democrata tem manipulado a malta promovendo freneticamente o mito de os russos terem conseguido a eleiçom de Donald Trump como presidente em 2016.
O Partido Democrata, inclusive a sua chamada asa progressista, é umha organizaçom pró-guerra controlada polos republicanos e os esgotos do Estado.
O próprio sistema eleitoral estadounidense impede o xurdimento de qualquer um terceiro partido ou movimento.
Nenhum político tem a oportunidade se o que quer é reduzir o gasto militar, rematar com a guerra eterna, mudar o sistema monetário, ou espalhar a justiça social em todos os níveis.
Vida social.
A oligarquia, os meios, o governo, os partidos políticos, e os esgotos do Estado, todos eles pulam polo ódio e a divisom entre segmentos da sociedade para preservarem a sua hegemonia.
O racismo contra pessoas de cor e outras nacionalidades ganhou o seu fundo acobilho na psique nacional, e é utilizado pola oligarquia como ferramenta de controlo.
A hierarquia do ensino superior é controlada polas corporaçons e o exército, e oferece pouca ou nenhuma resistência.
As igrejas da naçom tenhem sido coptadas ou apavoradas, condenadas ao silêncio, e nom oferecem alternativas de fundo.
O desígnio para a criaçom dum estado americano totalitário e policial vai bem avançado.
Conclusom.
Podem os USA sobreviver como naçom durante outra geraçom ? Podemos pô-lo em causa, sem um grande movimento de reforma rumado para a correcçom de todos os abusos devanditos. Mas antes dos USA destruírem o planeta, poderia acontecer que estes colapsassem internamente por falência interior, ou devido às suas políticas de guerra permanente, com a culpa que isso carrejou.
Embora nenhuma palavra deste documento pretende denigrar os milhons de pessoas que nos USA e em todo o mundo som cientes do perigo, e pregam e trabalham por um futuro melhor.
No presente, umha guerra de grandes dimensons entre o império americano e as naçons euroasiáticas semelha umha possibilidade real ; porém, iria ser bem melhor os USA, a Rússia e a China unirem-se numha aliança positiva.
Os milagres acontecem, paradoxalmente, se o povo trabalha por eles.
*Paul Yesse é o pseudónimo dum ex-assessor do governo dos USA.
Publicado em Global Research.