António Costa, primeiro-ministro de Portugal desde 2015, vem de presentar ontem a sua dimissom. O motivo foi umha operaçom judicial desenvolvida em Lisboa na que foram detidos o seu chefe de gabinete e um amigo empresário.
O ex-primeiro-ministro afirma que tem a consciência tranquila, mas que a dignidade das funçõns de primeiro-ministro não é compatível com qualquer suspeiçom sobre a sua integridade. O Supremo Tribunal de Justiça do país vizinho avançou com um processo autónomo para averiguar a acçom de António Costa.
Costa mantinha umha boa reputaçom dentro da política institucional, a pesar de nos últimos anos vários escândalos tinham salpicado ao seu governo. Agora esta nova operaçom investiga se houvo tratos de favor cara empresas portuguesas (Galp, EDP e REN) para explorar o negócio do hidrogeno verde em Sines, grande centro industrial criado arredor do porto no que as fábricas mais contaminantes estam levando a cabo a sua descarbonizaçom, em consonância com as diretrices da Uniom Europeia e o que se conhece como capitalismo verde.
Um grande projeto, moi próximo à Galiza, está baixo suspeita. Trata-se da mina de lítio de Covas do Barroso, localizada no único espaço português declarado como Património Agrário Mundial pola FAO. A exploraçom por parte da empresa britânica Savvanah Lithium conseguiu este ano a aprovaçom da Agéncia Portuguesa de Meio Ambiente, apesar de receberes milheiros de alegaçons na sua contra, ademais dum informe contrário dum relator da ONU.
Também outro grande projeto, moi próximo à Galiza, está baixo suspeita. Trata-se da mina de lítio de Covas do Barroso, localizada no único espaço português declarado como Património Agrário Mundial pola FAO. A exploraçom por parte da empresa britânica Savvanah Lithium conseguiu este ano a aprovaçom da Agéncia Portuguesa de Meio Ambiente, apesar de receberes milheiros de alegaçons na sua contra, ademais dum informe contrário dum relator da ONU. A própria Agéncia reconhecia no seu informe que esta mina porá em perigo a citada declaraçom do lugar como Património Agrário Mundial. A investigaçom atual afeta tanto ao Ministro de Meio Ambiente atual como ao seu predecessor.
Este é um duro e repentino golpe para a social-democracia europeia, da que Costa era umha das caras visíveis, junto com Olaf Scholz ou Pedro Sánchez. O ex-primeiro-ministro era o único social-democrata europeu que governava com maioria absoluta, ademais do laborista Robert Abela na Malta. Portugal encaminha-se agora cara novas elecçons, nas que António Costa nom será o candidato, como ele mesmo declarou.
