Hoje tivo lugar na cidade de Ourense a celebraçom do primeiro desfile em comemoraçom da proclamaçom da República Galega de junho de 1931 e da vitória no referendo do estatuto de junho de 1936. O festejo contou com umha participaçom que beirava as 250 pessoas, das quais 150 eram pessoal voluntário.
O desfile estava encabeçado por Zés Pereiras de Amarante, o grupo percussionista português, seguidos polas quatro bandeiras galegas (a Estreleira, a bandeira do Antigo Reino da Galiza, a bandeira do Reino Suevo e a bandeira com a sereia de Castelao), seguidos das bandeirolas de Portugal, das comarcas de Návia-Eo e do Berço e a bandeira do orgulho LGBT. A continuaçom desfilárom os 51 estandartes comarcais e os 30 estandartes de organizaçons históricas levados polos seus voluntários. No médio do desfile tocavam os gaiteiros da Ínsua.
O ato rematou no jardim do Posío com representaçom teatral do grupo de teatro do Centro Social Faísca, e posterior discurso final a cargo de Isabel Risco e sorteio em vivo de um desenho de Xosé Lois O Carrabouxo. O ato pechou-se com o canto do hino nacional galego. Foi umha jornada festiva e de reivindicaçom dos símbolos nacionais galegos.
