Neste Domingo Cultural propomos a conferência de Sabela Fraga na Semana de Filosofia de Ponte-Vedra deste ano. Sabela é Historiadora da arte, investigadora e activista. Graduada em Publicidade e Relaçons Públicas pola Universidade de Vigo e em História da Arte pola Universidade de Santiago de Compostela. Rematou a sua formaçom co mestrado em Filosofia: conhecimento e cidadania, na USC. Documentalista e comissária da exposiçom “Coleçom Abrente: arte galega no desafio cultural dos 70” no Museu Etnológico de Ribadávia (Ourense). Atualmente é investigadora predoutoral na Universidade de Vigo, onde desenvolve a sua tese “(Re)Criar Ficçons: humor e feminismo na arte contemporânea (1980-2010). Umha batalha polo sentido na representaçom”. O seu traballo centra-se desde há anos na crítica da representaçom desde as teorias da imagem e da arte, o feminismo e a política, analisando também as possibilidades de subverter e transformar os códigos e relatos normativos desde o próprio campo visual.
