Jacobin Magazine
Diz Joe Biden que a luita contra a mudança climática é umha das suas grandes prioridades. Mas nestes dias, nomeou como contacto com o movimento polo clima um congressista que amoreou umha fortuna com a indústria dos combustíveis fôsseis. Também votou para ajudar as companhias petrolíferas e as grandes empresas gasistas.
Logo dumha campanha na que prometera umha acçom climática afouta, a equipa de transiçom do novo presidente Joe Biden nomeou um dos homens mais beneficiados polo dinheiro da indústria petroleira no Partido Democrata. Será ele quem tenha umha posiçom de alto mando na Casa Branca para abordar o repto climático.
Na passada terça feira, a publicaçom Politico informou que Biden está para nomear Cedrid Richmon como dirigente do Gabinete da Casa Branca para o Compromisso Público. ‘Espera-se que sirva como ligaçom entre a comunidade empresarial e o activismo climático.’
Durante os seus dez anos no Congresso, Richmond recebeu por volta de 341000 dólares de doantes da indústria do petróleo e do gas (a quinta suma mais alta entre todos os representantes Democratas, dacordo com a informaçom de Sludge). Isto inclui doaçons para o comité de acçom política de 50000 dólares de Entergy, umha empresa de electricidade e gas; 40000 de ExxonMobil, e 10000 para cada um dos membros das petroleiras Chevron, Phillips 66, e Valero Energy.
Richmond acumulou esta fortuna enquanto representava um distrito eleitoral que é sede de sete das dez empresas mais poluintes do país. Ele tem-se desmarcado repetidamente do seu partido nas grandes votaçons climáticas e ambientais. Durante a crise climática que golpeou o seu Estado de Louisiana, Richmond votou com os Republicanos para incrementar as exportaçons petroleiras e potenciar a construçom de viadutos. Richmond também votou contra a legislaçom dos democratas que impunha limitaçons na poluiçom por fracking, e a prol da legislaçom republicana que pretendia enfraquecer a autoridade de Obama para limitar aquela técnica extractiva.
No total, Richmon recebeu umha qualificaçom do 76% da League of Conservation Voters (um grupo de pressom ambientalista que avalia o compromisso ecológico da casta política), e conseguiu 46 pontos em 2018. Trata-se dumha das pontuaçons mais baixas de qualquer democrata no Congresso. Richmond, que co-dirigiu a campanha de Biden, nem se comprometeu a apoiar o Green New Deal. Numha entrevista posteleitoral com o programa de CBS ‘Face de Nation’, afirmou: ‘quando governemos, faremo-lo com os nossos valores, mas quando nom poidamos aprovar nova legislaçom, nom andaremos por aí fora divulgando isto.’
‘Cedrid Richmond amassou a sua fortuna com a indústria petroleira, conviviu comodamente com os sectores do petróleo e o gas, e permaneceu em silêncio enquanto os poluintes envelenavam a sua própria comunidade’, postou em na terça passada em Twitter Sunrise Movement, um grupo de base que pula polo Green New Deal. Como vam confiar as comunidades atingidas polo extractivismo e as pessoas jovens em que as suas vozes se vam ouvir mais altas que as grandes petroleiras na administraçom de Joe Biden?’Varshini Prakash, dirigente de Sunrise Movement que serviu na Policy Task Force de Biden, manifestou: ‘hoje sentimo-nos traiçoadas, porque umha das primeiras designaçons de Biden tem recebido mais doaçons da indústria petroleira na sua carreira que qualquer outro democrata.’ Prakash concluiu que esta escolha ‘supom umha afrenta para a mocidade que fijo possível a eleiçom de Biden.’
Foi o próprio Biden o que prometeu um plano de 1,7 bilhons de dólares para combater a mudança climática, afirmando que esta causa é umha das suas grandes prioridades. Durante as primárias do partido, já fora criticado por trabalhar com um assessor energético ligado à indústria petroleira, enquanto propunha umha política de meio alcanço e rejeitava a proibiçom do fracking. Aliás, foi criticado por receber financiamento de investidores petroleiros, mesmo quando dizia publicamente rechaçar dinheiro de fontes do capitalismo energético para a sua campanha.
Diz-se que Biden está a considerar o ex-secretário de energia de Obama, Ernest Moniz, para o seu gabinete, ou até mesmo como enviado internacional para o clima, segundo informa New York Times. Colectivos polo clima exigírom a Biden que rejeite Moniz para tal posiço,, desde que ele se incorporou à empresa eléctrica Southern Company depois da sua jeira na administraçom Obama. Moniz foi também um outro dos defensores do fracking.
Este texto de JacobinMag é da autoria de David Sirota, Julia Rock and Andrew Perez, com o título original ‘Joe Biden Just Appointed His Climate Movement Liaison.It’s a Fossil-Fuel Industry Ally.’ Traduçom do Galiza Livre.