(Imagem: @12empe) As ruas da capital do nosso país amanhecêrom nesta semana com dúzias de cartazes, pintagens e bandeiras nacionais chamando à solidariedade activa com as e os processados na ‘Operaçom Jaro’. Doze cidadás galegas sentarám-se no banco da Audiência Nacional espanhola para declararem polo seu compromisso militante com Causa Galiza e Ceivar, que a judicatura pretende sejam declaradas como ‘organizaçons criminais’, e eventualmente ilegalizadas.
Solidariedade
Já em 2016, pouco depois da primeira Operaçom Jaro contra Causa Galiza, várias iniciativas solidárias foram lançadas, entre elas umha significativa manifestaçom nacional ‘Contra a ilegalizaçom de organizaçons políticas’. Desde que o operativo policial e judicial se ampliou a Ceivar, em 2017, os pronunciamentos populares e institucionais sucedêrom-se. Na rede tivérom lugar campanhas muito amplas de ‘selfies’ solidários com as encausadas, e no ámbito parlamentar, o BNG rachou o silenciamento ao que se submete o caso, nomeadamente em Espanha.
Umha vez que o juízo está marcado para o dia 19 do mês vindouro, várias assembleias abertas solidárias estám convocadas em centros sociais galegos. Na cidade de Compostela, o trabalho militante já calhou numha iniciativa de rua da que dá cumprida informaçom a conta @12empe.