Descobre o que sabes das luitas, acontecementos e datas da Galiza e mundiais, e também de questons atuais. Este primeiro bloco que apresentamos hoje é relativo à Galiza. Pom a proba os teus conhecimentos!
1ª.- Depois dum processo de unidade do independentismo que levou o nome de “Espiral”, donde se agrupavam numa nova organizaçom com o nome de Nós-Unidade Popular as organizaçons já existentes Primeira Linha(PL) e a Assembleia da Mocidade Independentista(AMI) mais um grande setor de independentes, instaurou-se o “Dia da Galiza Combatente”, na honra de Lola Castro e José Vilar, militantes ambos do EGPGC mortos em combate no 11 de outubro.de 1980. A pretensom do assinalamento desta data para a sua celebraçom seria honrar a todos e todas,que como Jose e Lola, entregarem as suas vidas na defesa duma Galiza tratada como uma colônia e da sua classe trabalhadora. Qual foi o primeiro ano em celebrar-se o “Dia da Galiza Combatente”?
1.-2000 2.-2001 3.-2002
2.- Todas e todos somos conhecedores da trágica “Desbanda” que se deu em Málaga no 1937, que nom é outra cousa que a dramática fugida de milheiros de civis antes e durante a toma de Málaga polas tropas fascistas sublevadas contra o legítimo governo republicano, donde como é norma instauram o seu regime de terror e aniquilamento, milheiros de civis tentam abandonar Málaga cara a Almería polas vias de comunicaçom que transcorrem pola costa, as quais eram vitais para o seu salvamento. Todos os fareiros, encarregados da iluminaçom destas vias, recebem a ordem de manter acesa todas essas luzes, para assi facilitar à aviaçom enviada por Mussolini e à armada franquista os objetivos das suas bombas e canhonaços. Mas só o fareiro de Torre del Mar nom vai obedecer, quem nom é outro que o galego Antonio Anselmo Vilar Garcia. El, por duas noites vai manter sem iluminaçom as vias de escape da populaçom malaguenha. Esta açom custara-lhe a vida e também o reconhecimento, anos mais tarde, da populaçom malaguenha e andaluza, sendo conhecido como o “fareiro galego”. Em que concelho da provincia de Lugo nasceu Anselmo Vilar?
1.- Vilalba 2.- Castro de Rei 3.- Castroverde
3ª.- Depois do golpe de Estado de 1936, a Galiza foi o primeiro lugar do Estado Espanhol donde os “fugidos”, militantes políticos de toda organizaçom e sindicato e qualquer pessoa que tenha a mais mínima relaçom com a política desenrolada no período republicano que fogem cara aos montes, se organizam em pequenos grupos armados, dando lugar, primeiramente à Federacion de Guerrillas Leon-Galiza. Sem uma ideologia marcada, nela agrupavam-se todos os fugidos chegados desde distintas partes da Galiza, O Berço, Leon e também de Astúrias. Dentro desta organizaçom pode-se falar de homes da importância e carisma de Giron. Depois, impulsado polo PCE e com intençons de contar com um apoio real nas cidades e vilas galegas, nasce o Exercito Guerrilleiro de Galiza. Gómez Gayoso sera peça fundamental para esta organizaçom guerrilheira. A atuaçom heroica, valente e generosa destes guerrilheiros e também dos seus e suas “enlaces”, milheiros de mulheres e homes que facilitarom o funcionamento de todo esta estrutura guerrilheira desde o seu começo, nom terá o resultado aguardado, já que, no final da IIGM as potências vencedoras nom vam ter em conta qual seja o governo que fique na “Espanha”. Qual era o nome do vozeiro ou organo de expressom do Exercito Guerrilleiro de Galiza?.
1.- El Guerrillero 2.- Lucha 3.- Hoja Guerrillera
4ª.- A finais do século XIX e começos do XX, a emigraçom galega a Cuba era de centos de milheiros de mulheres e homes. Todas e todos pobres e sem uma saída económica e social no seu próprio país. Mas tod@s nom vam correr a mesma sorte, maiormente os homes e algumas mulheres chegam com alguma recomendaçom ou apoio que lhes dá uma pequena saída para um empreendimento na ilha, mas muitas mulheres, analfabetas e sem nenhum apoio som enganadas e caem em redes de prostituiçom, mala vida e trabalhos muito precários, sendo equiparadas a outros coletivos como o das mulheres pretas, também relegadas a estas condiçons de vida. Elas nom faziam saber as suas famílias estas condiçons tendo a esperança de poder saír destas condiçons de vida. Ademais dá-se a situaçom desonrosa e claramente machista do resto do coletivo galego na Habana, centralizado no poderoso Centro Galego da Habana. Desde o Centro Galego nom se atende a esta situaçom destas mulheres e apartam-se delas como se nom forem parte do mesmo coletivo galego emigrante que também chegara a ilha na procura do mesmo que todas e todos. A primeira associaçom que atende ao caso destas mulheres foi “Solidaridad Pontevedresa”, que pouco mais tarde reformando o seu regulamento dará origem a uma nova associaciom. Esta nova associaçom já aglutinara a milheiros de mulheres e chegará a ser a maior associaçom de mulheres de Cuba, e segundo contam alguns historiadores, também de América. Posteriormente, aportará à sociedade cubana uma cheia de mulheres que seram pioneiras e destacaram em distintos âmbitos como o deporte. Qual foi o seu nome?.
1.-Hijas gallegas de la Habana 2.- Sociedad de Mujeres Gallegas 3.- Hijas de Galicia
5.- O canário Antonio Cubillo, advogado laboralista que durante o ditadura franquista erigiu-se como como defensor de diversos coletivos de trabalhadores desafiando ao regime, e que orbitou arredor do PCE ate que este(PCE) mostrou claramente o seu desinteresse polos direitos nacionais do Arquipélago Canário, funda nos anos 60 o Movimento pola Autodeterminaçom e Independência do Arquipélago Canário(MPAIAC). El fai um trabalho de conscientizaçom entre a populaçom canária baseando-se no africanismo e o proceder Guanche dos canários e canárias, e ademais redobla esse trabalho percorrendo toda África para dá-lo a conhecer aos governos que conformam a Organizaçom de Unidade Áfricana, a OUA, conseguindo o seu apóio, principalmente o de Algeria. A partires de aí, este país será base importante para o Independentismo canário, desde ali funcionará a rádio “A Voz de Canárias Livre”, radio que emite para toda Canárias as mensagens de Cubillo. Espanha nom pode por vias diplomáticas frear o avanço do MPAIAC e do arquipélago canário cara a sua independência, já que a maioria de países africanos acompanham a Cubillo nas suas teorias Independentistas e africanistas. Em 1978, uns dias antes da intervençom de Cubillo na Assembleia Geral das Naçons Unidas sofre um intento de assassinato por parte dum mercenário do governo espanhol que o vai deixar numa cadeira de rodas para o resto da sua vida. Mais tarde este sucesso será reconhecido como crime de Estado. Donde sofre este atentado Antonio Cubillo?
1.- Casablanca. 2.- Argel. 3.- Barcelona
6°.- Depois da ofensiva Palestina capitaneada por Hamas do 7 de outubro do 2023, o genocídio sionista contra o povo palestina tornou-se já, podemos dizer, da magnitude e estilo do que os nazis realizarom contra os judeus antes e durante a IIGM. O n° de presos e presas continua, e toma proporcions muito elevadas. Polas características da luita pola libertaçom da Palestina, a a diferença entre homens e mulheres presas é muito elevada, ainda assi já se contam por milhares as mulheres presas nos cárceres sionistas junto às que se encontram nos campos de tortura, maiormente em Gaza. Mas existem mulheres presas sob “detençom administrativa”. A detençom administrativa é um modelo de detençom ou sequestro do que botam mão as autoridades do Estado de Israel para com quem sem delito algum passam a sofrer um sequestro encoberto sem límite de tempo. Advogadas, jornalistas, funcionárias ou estudantes som alvo deste modelo de detençom e sequestro. Quantas mulheres estám a sofrer a detençom administrativa?
1.- 25. 2.- 35. 3.- 63
RESPOSTAS: 6=25/5=Argel/4=Hijas de Galícia/3=El Guerrillero/2Castro de Rei/1=2001