No mesmo dia em que o nacionalismo, através de Via Galega, inçava a nossa geografia de simbologia nacional, o Projeto Estreleira apresentava em Lugo a sua nova campanha “Galiza aos quatro ventos”. Diante do hotel lucense Méndez Núñez e da estátua de Daniel Castelao, 105 anos depois de as Irmandades da Fala declararam o passo ao nacionalismo, a iniciativa popular dava algumhas linhas dumha “intervençom independentista sostida para os vindouros meses.”

No nome do Projeto Estreleira, e diante de quatro emblemas nacionais (bandeira sueva, do Antigo Reino, da serea e a própria estreleira), André Gomes e Noélia Outom expunham as linhas mestras de trabalho dos vindouros meses. Com a legenda “Galiza aos quatro ventos”, Estreleira pretende jogar com a ideia dos quatro pontos cardinais e “levar a reivindicaçom da nossa república além dos clássicos espaços urbanos da Galiza occidental”.

Vindicaçom da geografia e da identidade

Mais um ano, depois das conhecidas iniciativas da muralha de estreleiras, do desfile republicano de Ourense e da celebraçom da irmandade luso-galaica em Porto, Estreleira almeja “pôr em valor o nosso património histórico, cultural e ecológico”, vinculando-o à reivindicaçom da república soberana. Neste caso, sem anteciparem mais elementos dumha campanha que começa em dezembro, a e o vozeiro da iniciativa popular si adiantárom que “se trata dumha campanha de médio prazo que pretende culminar a finais de Junho, coincidindo com a proclamaçom da nossa I República em 1931”.

No que à identidade galega diz respeito, o Projeto apostará nesta campanha por umha nova socializaçom de elementos essenciais da nossa história de cultura e de luita, e por palavras de Gomes e Outom, “Galiza aos quatro ventos vai vindicar quatro elementos fundamentais na construçom da identidade política galega contemporánea: a comunidade emigrante, a Galiza irredenta, o celtismo e o reintegracionismo.”

Participaçom e voluntariado

Na sua rolda de imprensa, as e os membros do projeto incidírom mais umha vez na que consideram “a chave do sucesso de Estreleira”, que nom é outro do que a activaçom “dumha potente rede de voluntariado”. Neste caso, e com a ideia de levar a cabo um verdadeiro espalhamento da ideia central republicana galega, o projeto precisará “dumha implicaçom activa de todas aquelas pessoas que tenhem feito realidade as nossas campanhas mais exitosas.”