Numha decisom nada supressiva, os dous grandes partidos espanhóis blocárom no parlamento do Hórreo a petiçom do movimento popular de restauraçom da versom original do nosso hino. A proposta de Via Galega e Galiza Cultura topou-se com o muro do consenso espanhol, sempre firme na hora de defender assuntos essenciais da identidade do Estado. Assim recolhia o feito o galituiter.
Os atinados versos de Pondal servem para sintetizar o acontecido na votaçom, e aparecem oportunamente citados neste perfil.
As redes sociais serviam nesta ocasiom para conhecer a letra do hino tal como a escrevera no seu dia o próprio Pondal.
Com a palavra “sectarismo”, umha conta do sindicalismo nacionalista explicava o acontecido na cámara de representantes, que ignorava mais umha vez demandas do movimento popular.
Este perfil salientava a coincidência dos dous grandes partidos espanhóis na hora de blocar qualquer avanço da simbologia galega.
Como pano de fundo, e segundo se apontava nesta conta, a maioria esmagadora do espanholismo na instituiçom autonómica, que por vezes se esquece devido às maquilhagens simbólicas e às estratégias eleitorais.
O rol nacional do PSOE, que adoito se esquece, por oferecer um perfil mais suave que o PP, era aqui posto em destaque.
Mais perfis afundavam nesta linha, ainda com umha mensagem mais contudente.
O poeta Fernán Vello perguntava-se qual seria a possível razom de fundo na negativa institucional.
Nom apenas na política ou na literatura; também no mundo da música se recebia com tristeza o bloqueio parlamentar à iniciativa.