Milhares de mulheres mobilizadas, nomeadamente moças, presença em todas as bisbarras, e abundante exibiçom de simbologia galega e rupturista em quase todas elas; um repasso sintético do 8 de março ajuda-nos a perceber a energia do feminismo na Galiza, que neste ano, aliás, se acompanhou da controvérsia entre os seus dous principais sectores: a prostituiçom ou a luita trans fôrom elementos centrais do debate, e houvo divisons nas convocatórias.
Dando ideia da dimensom global da data, a Marcha Mundial das Mulheres fazia público este comunicado, que podíamos ler em galego-português.
Na nossa Terra, a força e dimensom que tem alcançado o feminismo evidencia-se no grande número de convocatórias, como líamos nesta resenha do Movimento Arredista.
As mulheres da mocidade independentista tivérom umha presença especialmente notável nos actos vindicativos de Compostela, como amossa esta escolma fotográfica.
Em dias prévios, a mesma organizaçom MPI enquadrava a luita das mulheres numha perspectiva de oposiçom ao capitalismo.
Do mesmo jeito faziam as Assembleias Abertas Independentistas, que vincavam no papel da mulher em múltiplos processos revolucionários ao longo da história.
As mulheres obreiras da CIG, presentes em inúmeros sectores laborais, saíam à rua em doze localidades do País, como reflecte o seguinte vídeo.
Por seu turno, a Central Unitária de Trabalhadoras punha o acento nos direitos para o sector dos cuidados, como lemos nas suas redes sociais,
A organizaçom juvenil do BNG relatava assim a sua participaçom nas distintas comarcas nesta jornada de luita.
O BNG acompanhou a sua presença nas mobilizaçons com a socializaçom dumha nova campanha de rua que se pretende dure o ano inteiro, com a situaçom das mulheres no centro.
A controvérsia nom estivo ausente, mais um ano, por volta de questons como a legalizaçom ou aboliçom da prostituiçom, o que levou a organizar diferentes actos. Este perfil, entre muitos, dava conta da polémica.
Como pano de fundo, a tensom sobre a participaçom transgénero do feminismo agudiza as contradiçons
Apesar disso, outros perfis salientavam que a divisom feminista era, no fundamental, algo secundário exagerado pola imprensa empresarial.