Como já é habitual nos últimos anos, o Organismo Popular Anti-repressivo CEIVAR organiza a XV ediçom da Cadeia Humana pola Liberdade das presas independentistas com motivo da celebraçom do Dia da Pátria. O evento terá lugar este domingo, dia 24 de Julho, às 18,00 horas na Praça da Galiza, em Compostela.
No mesmo dia, nas horas prévias à cadeia humana, terá lugar umha jornada de convívio no CSOA Escárnio e Maldizer em solidariedade com as presas independentistas. Às 12,30 horas começará a sessom vermute com pinchada de Sapoconcho sem Poncho e às 14:00h será o jantar, que será vegano (quem quiger assistir deve anotar-se previamente na loja da web de Ceivar antes do dia 22: https://www.ceivar.org/loja/).
Cadeia Humana
A Cadeia Humana é por excelência o ato reivindicativo anual no que se exigem a absoluçom das independentistas galegas presas, e a suspensom das estratégias de extermínio carcerário de quem se encontra presa por participarem no processo de emancipaçom nacional e social da Galiza. Assim mesmo é também o momento no que, mao com mao, se tece a rede de solidariedade que consegue visibilizar às presas independentistas da Galiza e denunciar as ilegalidades e ilegitimidades que estám a sofrer nas prisons espanholas.
Hoje em dia as presas independentistas galegas estám repartidas entre as prisons de Teixeiro e da Lama, situadas em território galego.
Novidades do último ano
Compre lembrar que desde a anterior Cadeia Humana, quatro independentistas fôrom condenados a 63 anos de prisom por um tribunal especial. O juiz da Audiência Nacional condenou a Assunçom Losada e Antom Garcia Matos a 27 anos de prissom, a Miguel Garcia a quatro anos e médio, e a Joám Manuel Sanches a três anos. Este último saiu em liberdade o dia 13 do passado mês depois de cumprir a totalidade da sua condena.
Outras atividades do dia
A seguir da cadeia humana, às 20,00 horas sairá desde a Alameda a Manifestaçom da Mocidade Independentista e a partir das 22,30 darám começo os concertos no CSOA Escárnio e Maldizer.