Esta quer ser umha pequena crónica musical, mas também umha chamada à arte que se impulsiona desde os centros sociais autogeridos e que à sua vez estes o impulsionam a ele, retroalimentando-se, arte que é expressom genuína desde o conflito desde o prisma das de abaixo.
Pequenos exemplos de arte viva estes grupos e pequenos concertos que, de norte a sul do país e situando a música e os espaços autogeridos como o centro (e nom o negócio), nom podem mais que ganhar-se a simpatia e abrir os ouvidos para as ánsias da liberdade dos povos
Um exemplo deste arte juntou-se no “Apóstolo punk”. Arredor dum cento de pessoas, nuns concertos que competiam nas datas com eventos como o Resurretion fest e umha cheia de festivais, e juntou-nas no centro social A Gentalha do Pichel, o maior epicentro compostelám da nossa cultura.
Na sala, umha mesa com o material dos distintos grupos e umha compra-venda de vinilos, camisolas e cd´s, compartindo também em irmandade os materiais entre os grupos musicais: desde Portugal, Falcatua, desde Euskal Herria, Streetwise, e fazendo de anfitrions-organizadores, o recente criado grupo Crise.
Crise, punk-rock bem fresquinho, com membros de”Impulsos criminais” e de “Dandy fever” e “Fred and the perrys”, deleita coas suas letras entre a memoria histórica e o existencialismo. Fecham o seu direto cumha versom do mitico grupo kortatu: “ya va siendo hora de que empice a arder”
“Chavales” de entre 20 e 25 anos som os “Streetwise. Umha jóia de grupo com ademais muito futuro por diante. Abertzales e antifascistas que se presentam afirmando que: “temos algo em comum, ninguém daqui é espanhol”, pulando na sua simbología pola liberdade das presas políticas e deleitando à gente coas suas letras combativas.
Falcata, desde Lisboa,quarteto com seis anos de experiencia, tendo formado parte de outras bandas com força em Portugal. Apresentam-se como Rock´n Oi. Ines Estiveira, única mulher que atuou nos concertos, por desgraça, deixou a todas impresionadas coa sua guitarra. Irmandade entre povos foi a inspiradora proclama deste grupo.
Grandes grupos todos eles como grande o centro social O pichel, que está a celebrar durante estas semanas a sua Universidade Popular de verao.