Segundo comunicado de Abaixo os muros com data deste 18 de Fevereiro, Xoán Manuel Sánchez Rodríguez e Miguel Garcia Nogales encontram-se sob umha quarentena ilegal na prisom de Teixeiro desde há mais de duas semanas. Ficam assim numha situaçom de completo isolamento, sem saídas ao pátio e coas chamadas restringidas a umha cada dous dias.
Fôrom confinados a este estado após dar positivo em Covid, mas incumprindo o protocolo do Conselho Interterritorial de Saúde polo que se rege a atuaçom contra a Covid nos centros penitenciários. Este estabelece que os casos confirmados por prova diagnóstica de infeçom ativa ham ser isolados sanitariamente em cela durante sete dias, com quando menos três dias sem síntomas, sem necessidade de realizarem outra prova.
Abaixo os Muros lembra que a Lei Mandela, que regula o tratamento de presos a nível internacional acha tortura o isolamento igual ou superior aos 14 dias. Por isso considera que se lhes está a aplicar a medida como um castigo pola sua condiçom de presos independentistas galegos.