O presidente Carles Puigdemont passou a noite na cadeia de Bancali aguardando passar hoje, sexta-feira, de manhá, a disposiçom judicial. O líder independentista foi detido esta quinta-feira à noite pola polas forças de segurança italianas no aeroporto de Sardenha.
Conta-se com que hoje seja levado à Corte de Apelaçom de Sassari, quem possui a competência sobre a sua liberdade ou extradiçom.
A defesa do president mantém que a detençom é ilegal, já que a ordem europeia de detençom e entrega por delito de sediçom que cursou o Tribunal Supremo espanhol em 2019 está suspendida. De facto, insistiu em que “Espanha informou o Tribunal Geral da Uniom Europeia, e assim aparece na resoluçom de 30 de Julho passado, de que nengum país havia executar umha ordem destas características.”. Nessa resoluçom, agregou, o vice-presidente do TGUE assinalou que, se cumprir, se há solicitar umha nova medida cautelaríssima. Nas circunstâncias atuais, o letrado conta com pedir-lhe ao Tribunal Europeu que lhe volva a Puigdemont a imunidade.
Pola contra, o Tribunal Supremo espanhol teima em que a euro-ordem contra o president jamais se desativou. Segundo fontes do alto tribunal hispano, a questom prejudicial proposta polo juiz Pablo Llarena perante o Tribunal de Justiça da UE apenas se refere a umha aclaraçom sobre a decisom de Bélgica de dessestimar a extradiçom de Lluís Puig e nom afeta em nengum caso à decisom que se puder tomar em Itália.
Assim, vai ser a judicatura italiana quem vai ter que acordar se ceivar o Carles Puigemont ou entregá-lo às autoridades espanholas.