Frente ao bloqueio da venda da fábrica, os trabalhadores de Alcoa em Sam Cibrao convocárom umha greve indefinida a partir da segunda-feira às 14:00.
A decisom tomou-se numha assembleia que rematou em votaçom e em que por ampla maioria se aceitou a medida de luita. Esta há seguir as pautas das anteriores com a intençom de que se estimule o acordo de venda.
O presidente do comité de empresa, José Antonio Zan lamentou a falta de negociaçons e de acordo “por Alcoa estar a bloquear essa venda e o Governo nom dar as garantias que cumprem”.
No entanto, no horizonte abrolha a sombra do debate que em menos dum mês realizará o Tribunal Supremo quanto ao recurso interposto por Alcoa contra a anulaçom do expediente de regulaçom de emprego com o que a empresa tentava deixa na rua mais de meio milheiro de trabalhadores.