Desde o dia 20 de julho, no que os presos independentistas reclusos no CP de A Lama tiverom notícia da suspensom dos vis-a-vis familiares e íntimos, iniciarom protestas contra o abuso que supom esta medida, que mostra as claras o despreço da direcçom do cárcere, presidido por Teresa Delgado, cara aos direitos das pessoas presas nesse cárcere. Dias depois, esta mesma medida foi adoptada no cárcere de Teixeiro.
Como medida de apoio, de Ceivar recolheu assinaturas e o apoio de diversos coletivos, e solicitamos umha reuniom com a direçom do cárcere, com a intençom de pedir explicaçons de primeira mao, diante dos contínuos abusos que sofrem as e os nossos presos, e em geral toda a populaçom penitenciária, amparando-se na Covid. A dureza do cárcere multiplicou-se até limites intoleráveis com a escusa da pandemia, como explicava o preso Miguel Garcia num artigo recente.
Esta solicitude nom obtivo resposta, polo que Ceivar decidiu que neste mês de Agosto as concentraçons mensais que vem organizando em diferentes comarcas do país, somem a sua força numha só voz, diante do CP da Lama o próximo sábado 28 de Agosto às 12:00h.