Helena Miguélez-Carballeira é professora titular en Estudos Hispánicos na Universidade de Bangor (Gales) e directora do Centro de Estudos Galegos na mesma localidade. Formouse en Filologia Inglesa na Universidade de Vigo, e mais adiante na Universidade de Edimburgo com um Máster em Estudos de Traduçom e o doutoramento en Estudos Hispánicos. Especialista nas formas do conflito nacional interno no Estado espanhol ao longo do tempo e na contemporaneidade, pretende partilhar o seu trabalho a través do blog “Postcolonial Spain” mas também através de publicaçon e intervençons académicas. É autora dumha monografía publicada pola University of Wales Press en 2013 que foi traduzida ao ano seguinte na Galiza sob o título Galiza, um povo sentimental? Género, Cultura e política e que tivo umha importante recepçom. Coeditora do volume Companion to Galician Cultures (Tamesis, 2014) e dos especiais de Translation Studies e do Bulletin of Hispanic Studies, autora de numerosos capítulos de livros, de artigos e colaboraçons en publicaçons especializadas e non especializadas galegas e estrangeiras (Anuario de Estudos Galegos, Grial, El País, Journal of Spanish Cultural Studies, Men and Masculinities, Hispanic Reseach, Journal, New Voices in Translation Studies…). Tradutora, colaboradora en projetos internacionais, fundadora editora da revista Galicia 21, ademais de membro de associaçons académicas e conferenciante em diferentes ámbitos e foros nacionais e internacionais.
