Acabo de chegar dumha concentraçom polo feche dumha tenda, nom é umha tenda de bairro é umha tenda nada menos que da multinacional Inditex. E ao vir pugem-me a reflexionar, a tenda evidentemente nom pecha porque nom tenha benefícios, fai parte da estratégia do grupo empresarial por apostar pola venda on-line. O que vai levar inevitavelmente nom só a esta tenda se nom a muitas outras a fechar coa conseguinte perda de postos de trabalho.
Há meses fum testemunha também durante as concentraçons que convocara a plataforma de afetadas polas comisons abusivas de Abanca, da estratégia das Entidades Bancarias de fechar muitas oficinas, e penalizar a atençom presencial, para promover que a gente use a banca online, coa conseguinte perda de postos de trabalho, e, polo tanto, o aumento de benefícios para estas entidades.
Estamos a ver pois como empresas multinacionais, com benefícios milhonarios se aproveitam desta crise umha vez mais para aumentá-los a costa de destruir emprego. Vem um filom em que fagamos as gestons online porque lhes permite aforrar em pessoal e assim faturar mais.
Porém, o seu modelo capitalista, o seu e nom o nosso, baseia-se no consumo e a perda de postos de trabalho fará inevitavelmente que este baixe co que a roda do capitalismo, que cada vez necessita mais benefícios para seguir rodando verá-se afetada sem remédio, e daquela ham-nos recortar mais aos trabalhadores para dar-lho ao capital. Claro exemplo é o que estám a perpetrar em muitos Serviços Públicos Básicos.
Se preocupante é que grandes multinacionais, com benefícios milionários fagam estas práticas totalmente anti-sociais aproveitando estes momentos, mais preocupante ainda é que sejam as próprias administraçons quem aproveitando também a pandemia, recortem Serviços básicos para a cidadania. Como som a assistência médica na atençom primaria, reduzida quase por completo à atençom exclusivamente telefónica, a atençom à cidadania na segurança social onde conseguir umha cita, é umha tarefa árdua e complicada, para a que se necessita muito tempo e paciência, por nom falar de que as suas resoluçons se demoram muitíssimo, polo que provocam prejuízo para as pessoas utentes, que depois de trabalhar e cotizar durante toda umha vida tenhem moitas dificuldades para poder gerir pensons, prestaçons por incapacidades bem forem temporais ou permanentes etc..
Algo parecido ou pior passa co Serviço Público de emprego SEPE, agora e a diferença de antes da pandemia para gerir as prestaçons por desemprego nom há que pedir umha cita senom duas. Antes pedia-se umha cita para solicitar as prestaçons e com essa mesma cita podias fazer cartom de demandante de emprego e mais solicitar as prestaçons por desemprego, agora tens que ir nom um día senom dous, um para cada gestom. As citas demoram-se muitíssimo e a gente cobras as prestaçons com moito atraso. Além disto, existem multitude de erros, atrasos nos pagamentos etc.. dervivados de todas as prestaçom de desemprego por ERTE .
Nos telefones que dam para pedir cita tanto no SEPE como na Segurança Social e em muitos casos no médico, quase nunca colhem o telefone ainda que chames todo o dia, co que a única forma de obter cita é telematicamente, quando funciona o sistema, porque muitas vezes mesmo assim é impossível, e aparece-che no ecrá “Imposible pedir cita”.
Estes serviços básicos som só algum dos exemplos que eu conheço diretamente, mais seguro que existem outros muitos, mas nestes tempos, mais que nunca a assistência sanitária é mais fundamental do que nunca, e tem que ser totalmente presencial. Os organismos da Segurança Social e o SEPE, básicos sempre, mas mais necessários que nunca num momento em que há tanta gente que necessita de prestaçons sociais a causa da multitude de ERTES e feches de empresas, enfermidades etc…
Nestes Entidades públicas nom só nom há que recortar a assistência presencial senom que há que reforçá-los dada a alta demanda dos seus Serviços nestes momentos.
Em definitiva, o gram capital está aproveitando esta crise umha vez mais para acumular mais riqueza, botando a gente ao desemprego sem nengum tipo de escrúpulos nem rubor ainda que tenham benefícios milionários e se beneficiem de multitude subvençons públicas. E também para recortar-nos serviços sssenciais, os Servizos mais Sociais e necessários, isso sim, ainda que nom sejas quem de falar co teu médico esta-te tranquilo, se te confinam chama-te todos os días um rastejador do exército espanhol para preguntar-che como te encontras.