Desde o Colectivo Portalén convocam umha nova ediçom da homenagem aos mártires Francisco Arca e Secundino Bugalho, assassinados polo fascismo o 13 de agosto de 1936. O acto terá lugar hoje, dia 13, às 18h na Ponte do Barco (Pedre), no ponto em que Francisco Arca e Secundino Bugallo fôrom assassinados e onde desde 2006 está instalado o monolito na sua lembrança, numha iniciativa da asociaçom Verbo Xido.
A reiterada falta de compromisso do governo municipal de Cerdedo-Cotobade coa recuperaçom da memória histórica da repressom franquista e coa reparaçom das vítimas da ditadura, segue a fazer necessário este ato de
homenagem organizado pola vizinhança.
Lembramos a continuaçom uns breves dados biográficos sobre os
homenageados:
*Francisco Arca Valinhas: canteiro. Natural da freguesia de Figueiroa.
Sindicalista, foi dirigente da Sociedade obreira “El Trabajo” de
Figueiroa, que fazia parte da “Federación de Agricultores e Obreiros
do Concelho de Cerdedo” integrada no sindicato CNT desde 1933.
*Secundino Bugallo Iglesias: canteiro. Natural da freguesia de
Figueiroa. Sindicalista, foi dirigente da Sociedade obreira “El Trabajo”
de Figueiroa, que fazia parte da “Federación de Agricultores e
Obreiros do Concello de Cerdedo” integrada no sindicato CNT desde 1933.
