Anita Tijoux é umha cantora franco-chilena que começou a fazer rap aló pelos 90. Agora mesmo já e umha artista reconhecida internacionalmente. É conhecida por tratar de temas como pós-colonialismo, feminismo, ambientalismo e justiça social em suas letras.
“Somos Sur”, com Shadia Mansour é um canto aos povos oprimidos. Shadia Mansour é umha rapeira británico-palestina, quem enfoca a sua carreira como umha intifada musical contra o opressom, especialmente contra a invasom do seu país pelo Exército Israelí.
Estas duas mulheres som exemplo de luita através da música e embora que as situaçons dos seus dois povos som moi diferentes entre si, unem esforços em contra dos seus invasores. A nossa posiçom nacional também nom é a mesma que a destas mulheres, mas sim tem traços em comum, e nom podem deixar de fazer-nos reflexionar as suas rimas.