A MpI (Mocidade pola Independência) anunciou as atividades que convoca para este 24 de julho —véspera do Dia da Pátria—, que incluem importantes novidades.
Assim, por segundo ano consecutivo, a MpI convoca a que já é a oitava ediçom da manifestaçom juvenil independentista. Sairá às 20:30 da Alameda, sob a legenda «Combatemos a precariedade construíndo Galiza».
Umha das novidades deste ano é que, posteriormente, às 22:00, o espaço juvenil organiza, junto com Ceivar, a ceia solidária com as presas independentistas galegas que o organismo vinha celebrando nos últimos anos. Nesta ocasiom a localizaçom muda, e será no centro social okupado Escárnio e Maldizer.
Após a ceia, a MpI convoca, por primeira vez, umha rondalha noturna, que sairá às 23:30 da praça do Pam (praça de Cervantes), sob a legenda «Filhas da luita, rebeldes e insubmissas».
A jornada rematará no CSO Escárnio e Maldizer, onde às 01:00 haverá umha pinchada.