Nas últimas semanas surgirom umha grande quantidade de iniciativas focadas nos interesses educativos e lúdicos das mais miúdas. Umha rede de artistas, docentes, contadoras, músicas e especialistas, em diferentes âmbitos, entrarom nas casas, através do computador, para virarem o isolamento numha formosa oportunidade com a que crescer coletivamente.
Aulas Galegas
A primeira desta experiências é a representada pola iniciativa de docentes, sem fins lucrativos, que criarom o site Aulas Galegas “para ajudar ao alunado, às famílias e ao resto do professorado a encontrarem recursos e materiais educativos em galego”. A seguir podedes ver um vídeo de apresentaçom:
Para o alunado e as suas famílias publicam cada dia material classificado por níveis académicos e matéria para as etapas de ensino Infantil, Primário, Secundário e Bacharelato. Partilham conteudos educativos de elaboraçom própria feitos especificamente para esta iniciativa e também outros que já existem que paga a pena divulgar.
Regueifing
O Projeto Educativo Semente, através do movimento de regueifa feminista: regueitubeiras, figerom umha proposta de adaptaçom dumha das nossas manifestaçons da improvisaçom oral a estes tempos de confinamento. Elas próprias explicam o nascimento desta iniciativa da seguinte maneira:
um grupo de intrépidas regueifeiras e regueifeiros inventamos o regueifing. Com a ajuda de Lupe Blanco, regueifeira e monitora de fitness, elaboramos este vídeo e apresentamos o Regueifing, um novo desporto para a tradiçom da improvisaçom oral em verso, com o objetivo de levarmos melhor os dias de reclusom na casa.
Regueitubeiras
Para saberes mais sobre a nova regueifa feminista preme aqui.
Pandemia de Contos
O Coletivo de Narraçom Oral Galega (NOGA) criou umha listagem de reproduçom no youtube com dúzias de contos para desfrutardes em família, durante o tempo de quarentena. Aqui vai umha pequena mostra da contadora Maria da Pontaghra:
Contos e cantos do poleiro
A produtora cultural Urdime fijo um chamado a muitas artistas para fazerem parte dum festival online e cantarem ou contarem contos, ou as duas cousas a um tempo, que nom está a cousa para escolher! Queredes ver um exemplo? Deixo-vos com Martinha Sonhadora:
Ponte…Nas Ondas!
É umha Associaçom Cultural e Pedagógica que, desde 1995, realiza atividades educativas e culturais na Galiza e no Norte de Portual. Entre os fins da associaçom estám a promoçom de atividades culturais e pedagógicas assim como a promoçom da identidade comúm dos dous povos dentro dumha perspetiva geral de integraçom europeia e do mundo lusófono. Premede na seguinte imagem para desfrutardes das atividades interativas:
Educar em tempos de confinamento
Ana Parada, diretora da Revista Galega de Educaçom e membro do MRP Nova Escola Galega achega-nos recursos práticos para levar a quarentena em família. Premede na imagem para verdes o vídeo:
