Esta sexta-feira 20 de Dezembro, às 20:30 no centro social A Galheira de Ourense (Praça de Sam Cosme), o Processo Trevinca organiza umha palestra sobre as relaçons históricas entre o feminismo e o soberanismo galego.
As ponentes vam ser Helena Miguélez, professora na Universidade de Bangor (Gales) e autora do premiado Galiza, um povo sentimental?, e Maria Osório, do conselho de redaçom do portal galizalivre.com, jornalista e reconhecida militante feminista e independentista. A primeira há abranger a feminizaçom da identidade galega e os paralelismos entre soberanismo e feminismo. A segunda, a materializaçom organizativa dessa relaçom ao longo da história da Galiza. No remate há haver petiscos e há-se abrir o tempo de debate.