A MpI (Mocidade pola Independência) denuncia a tentativa de infiltraçom policial acontecida em Lugo semanas atrás, da qual informou há uns dias este portal. Identificam ao jovem, P.C.S., como membro do espaço juvenil.

Num comunicado enviado por correio eletrónico ao Galiza Livre, que reproduzimos na íntegra no final desta nova, denunciam «este tipo de práticas, habituais na Galiza contra a mocidade comprometida coa luita pola libertaçom nacional e social». Mas destacam que «as forças de ocupaçom espanholas devem saber que a mocidade independentista galega nom se vende, que os nossos valores nom se compram, que o nosso compromisso supera as suas ameaças e repressom».

Assinalam que «este tipo de sujas práticas mostram-nos, mais umha vez, até onde é capaz de chegar o Estado espanhol co fim de destruir a dissidência. Um Estado que nom duvida em saltar-se o chamado “Estado de direito” ou qualquer tipo de liberdade ou direito formal para continuar oprimindo às diferentes naçons que ainda compomos esse cárcere de povos chamado “Espanha”».

Rematam a comunicaçom reclamando a saída da Galiza das «forças de ocupaçom espanholas».

Comunicado na íntegra

A MpI (Mocidade pola Independência) denuncia a tentativa de infiltraçom policial acontecida em Lugo semanas atrás, da qual informou há uns dias o Galiza Livre. O jovem é membro do nosso espaço.

Na MpI nom podemos senom denunciar este tipo de práticas, habituais na Galiza contra a mocidade comprometida coa luita pola libertaçom nacional e social. As forças de ocupaçom espanholas devem saber que a mocidade independentista galega nom se vende, que os nossos valores nom se compram, que o nosso compromisso supera as suas ameaças e repressom.

Este tipo de sujas práticas mostram-nos, mais umha vez, até onde é capaz de chegar o Estado espanhol co fim de destruir a dissidência. Um Estado que nom duvida em saltar-se o chamado «Estado de direito» ou qualquer tipo de liberdade ou direito formal para continuar oprimindo às diferentes naçons que ainda compomos esse cárcere de povos chamado «Espanha».

A mocidade nom se vende!

Viva Galiza ceive!

Fora as forças de ocupaçom espanholas!