Esta semana assistimos à formalizaçom da Universidade privada na Galiza como unha realidade.
Como nos afeta a nós isto?
O governo da Xunta desde 2010 continua coa sua campanha de privatizaçom e elitizaçom do ensino, financiando e promovendo umha universidade que tem como objectivo crivar as estudantes em funçom da sua renda.
Esta universidade estará impulsada por Abanca e grandes empresários que tratarám de fazer do ensino a sua pequena fabrica de estudantes, modificando os graus e estudos de acordo coas suas exigências.
Desde que o ensino entrou na OMC e em 1995 o governo de Felipe González fijo unha modificaçom da LOGSE ,que permitiu o investimento no ensino por parte do capital privado, este pode modificar o temário de graus e mestrados co objectivo de formar a sua mao de obra segundo as suas necessidades.
As estudantes somos unha mercadoria mais dentro do sistema de exploraçom capitalista!
Este tipo de medidas que permitem o investimento de capital privado num serviço público como deveria ser a educaçom pública, e a causa de que o Estado Espanhol e a Xunta de Galiza dota de poucos recursos a nossa educaçom. Isto reflete-se nos estados dos nossos câmpus e os poucos meios de que disponhem as nossas investigadoras.
A solucçom passa por salientar com meios a universidade publica e unha recentralizaçom das universidades no nosso país, além de dotar o alunado com menos capacidade económica dumhas bolsas dignas para todas elas, ademais dos recursos necessários para poder formar-se dumha forma efetiva, nom por criar unha maior desigualdade entre o estudantado galego.
A criaçom da mesma irá vinculada a umha subvençom por parte da Xunta de Galiza quando atualmente os meios das universidades publicas galegas estám em clara desvantagem respeito a grande parte do estado, pola nossa falta de soberania.
Outra das problemáticas importantes, como comentamos anteriormente, é o investimento privado de grandes empresas nos nossos câmpus e universidades. Já que devido ao desleixo dos governos em garantirem umha educaçom pública de qualidade, estas universidades aceitam o investimento privado que tem como consequência que estas empresas podam modificar os temários dos graus e ter mestrados específicos co objetivo de formar a futuras trabalhadoras das suas empresas.
O estudantado galego nom parará até construir um ensino publico, de qualidade e acessível para todas! Nom a umha universidade privada! Nom a umha elitizaçom do nosso ensino!