O Reino Unido foi um dos pontos principais na recepçom de emigrantes galegos nos últimos anos. 15000 trabalhadores e trabalhadoras da nossa terra figuram no INE espanhol como residentes ali. Mais que habitantes contam O Carvalhinho, Ordes, Padrom, Burela ou Ginzo de Límia. Como é tradicional na nossa diáspora, construem alá onde forem as redes comunitárias e culturais que lhes permitem sobreviver como comunidade. Hoje encetamos colaboraçom com Té con Gotas, umha das melhores motras da criatividade que produz a nossa mocidade fora do país. Um podcast no nosso idioma elaborado desde Londres em que poderemos conhecer e entender a atualidade política de Gram Bretanha às portas do Brexit. Os sábados serám os dias em que difundamos desde o Galiza Livre estes magníficos trabalho do novo éxodo galego.
Pode-lo escuitar aqui.
No programa que partilhamos, elaborado a semana passada, repassam a última hora em Westminster, explicando a votaçom ganhada pola oposiçom na Câmara dos Comuns para pospor a data do Brexit três meses mais e a tentativa falhida de Boris de convocar eleiçons anticipadas para o 15 de Outubro, dous días antes da cimeira definitiva com Bruxelas para salvar um acordo que evite um No Deal.