As detençons sofridas por quatro militantes independentistas durante a jornada do domingo teve a reposta solidária do movimento anti-repressivo galego.
Derrotando o discurso do medo que desde o Poder querem impor entre a militância arredista, centos de pessoas solidárias acudirom à convocatória feita polo organismo popular anti-repressivo Ceivar para mostrarem a sua rejeiçom a esta nova vaga repressiva.
Um milheiro de berros
Umha parte da populaçom galega nom se conforma com a militância virtual e saltarom por riba do ecrã para saírem à rua.
Forom mais de um milheiro de pessoas, repartidas entre as sete cidades galegas, as que desafiarom o discurso dominante propagado desde os médios do sistema para berrar contra o caráter repressivo do Estado e reclamar a liberdade das detidas.
Entre as sete cidades, as de Ourense, Vigo e Compostela forom as mais numerosas, onde se reunirom por volta das 200 pessoas em cada umha delas. No caso da capital galega, a concentraçom deviu em manifestaçom depois de ler-se o manifesto. Partindo da praça do Pam onde fora convocada a concentraçom, as pessoas lá reunidas dirigirom-se entre consignas cara a praça de Galiza para rematar na praça do Toural, onde se deu fim com o hino nacional.
Pola sua vez, hoje, varias cidade amanheciam com pintadas reclamando a liberdade das pessoas detidas.
Além das concentraçons e das mostras de solidariedade apreciadas na rua, numerosas organizaçons nacionalistas publicarom comunicados em apoio às pessoas detidas e que já forom publicadas durante a jornada de ontem neste mesmo portal. Também desde fora das nossas fronteiras chegarom mostras de solidariedade internacionalista: Sortu, Arran, Askapena, Yesca ou Breizhistance som apenas uns quantos exemplos.