A Mocidade pola Independência manifesta a sua «solidariedade» e o seu «apoio» às quatro militantes independentistas galegas arrestadas no passado fim de semana sob a legislaçom «antiterrorista». Umha legislaçom, denunciam, «de exceçom e antidemocrática que priva as detidas dos mais elementais direitos e garantias, mesmo possibilitando o uso da tortura», polo que manifestam a sua «preocupaçom polo trato que podam estar a receber estas companheiras».
Num comunicado enviado por correio eletrónico ao Galiza Livre, exigem a «imediata posta em liberdade» das detidas e dos presos independentistas galegos, e afirmam que «a repressom é a única resposta do Estado espanhol às reivindicaçons do povo trabalhador galego». Aliás, assinalam a «responsabilidade» do PSOE nas detençons. «Mais umha mostra das “mudanças” que trazem consigo os Governos deste partido ao serviço da burguesia, responsável, também, da brutal exploraçom que sofre a classe operária galega», aseguram. «Som o inimigo e como tal devem ser tratados», concluem.
Comunicado na íntegra
A Mocidade pola Independência manifesta a sua solidariedade e o seu apoio às quatro militantes independentistas galegas arrestadas no passado fim de semana sob a legislaçom «antiterrorista», legislaçom de exceçom e antidemocrática que priva as detidas dos mais elementais direitos e garantias, mesmo possibilitando o uso da tortura, polo que manifestamos a nossa preocupaçom polo trato que podam estar a receber estas companheiras.
Exigimos a sua imediata posta em liberdade, assim como a dos presos independentistas galegos, e denunciamos que a repressom é a única resposta do Estado espanhol às reivindicaçons do povo trabalhador galego. Aliás, assinalamos a responsabilidade do PSOE nas detençons. Mais umha mostra das «mudanças» que trazem consigo os Governos deste partido ao serviço da burguesia, responsável, também, da brutal exploraçom que sofre a classe operária galega. Som o inimigo e como tal devem ser tratados.
Viva Galiza ceive!
Denantes mortas que escravas!