Por Jorge Paços /
Ante umha desfeita ambiental de enormes dimensons, e com várias vidas humanas perdidas, o movimento associativo nom demorou em reagir. Várias entidades setoriais e organizaçons políticas lançam ou secundam no dia de hoje mobilizaçons na rua para pedir responsabilidades políticas da Junta na atual vaga incendiária.
A organizaçom estudantil independentista Erguer chamou o estudantado de ensino meio e universitário a parar as aulas às 12 do meio dia, baixo a legenda ‘Lumes nunca mais’. Lembremos que parte da comunidade estudantil galega foi diretamente atingida polos lumes, pois a própria área do CUVI viguês tivo que ser desaloxada.
Mas será às oito do serao de hoje quando, previsivelmente, se celebrem as maiores manfestaçons: em todas as cidades da nossa Terra, e nalgumhas vilas principais, convocam-sem em regime de auto-convocatória concentraçons de repúdio à negligência criminosa da Junta.
Forças independentistas como Causa Galiza amossárom o seu apoio às mobilizaçons, ao igual que organizaçons da esquerda institucional como o BNG ou as Marés. Em todos os casos coincide-se em assinalar os efeitos nefastos da política de eucaliptizaçom promovida polo PP, o apontoamento do êxodo rural e a nula prevençom.